Hartlich willkamen

Düss Nettsiet kümmt ut Garlitz, ´n lütt Dörp in`t südwestliche Mäkelnborg. 

 

Politsch is Garlitz Grenzdörp tau Neddersassen (dunntaumal´n Hannöwersche / Sassen-Lauenbörgsche) landschaptlich liggt ´t an´n Rand vun dei "Gries´Gägend" un dei Jabler Hei´ blangenbie denn Darzing dei Elw hentau. 
Heel un deel mirdenmank, twüschen Heid, greunen Wischen, Holt un Warre.
Nähmt juch man ´n Strämel Tiet, denn künnt ji wat läsen oewer Garlitz, Fomiljen-un Heimotgeschicht, oewer ok annern Kram dei mi jüst so infallen deit. 


Leiwe Quiddjes un Butenkasper,

hebbt man keen Bang nich, lütt bäten wat schriew ik hier ok up Bunnesdüütsch.

 

Nix nich von dat wat hier schräben steit hätt Anspruch up Vullstännigkeit orre is (wissentlich) staatlich prüft !

Wat dat Nedderdüütsche anbedropen deit, so kriggt mi man nich glieks bi dei Hammelbein un maakt kein Wissenschapt nich ut.
Ik versöch dat in uns südwestmäcklenörgschen Mundart (Dialekt) un na d. meckl. Wörterbuch vun Richard Wossidlo / Teuchert tau schriewen. Sass un Winter un wo dei Lüüd  woll süst noch heeten dauhn, sünd mi liekers künnig.

 

Denkt jümmers an,  in Plattdüütschen giff dat ´n Hümpel vull Grootdialekten un babentau Dörpsdialekten as Fleigen up´n Messhupen.

 

~ Klüsen up hol rechten Koors, süst supst du af un büst in Mnoors ~

 

Holt juch stief.

 

 

 

Druckversion Druckversion | Sitemap
© m-ohlrogge.de ~ Start i. Braakmaand in´t Johr 2000