Hartlich willkamen

Düss Nettsiet kümmt ut Garlitz, ´n lütt Dörp in`t südwestliche Mäkelnborg. 

 

Garlitz is Grenzdörp tau Neddersassen (dunntaumal´n Hannöwersche / Sassen-Lauenbörgsche)

 landschaptlich liggt ´t an´n Rand vun dei "Gries´Gägend" un dei Jabler Hei´ blangen denn Darzing dei Elw hentau. 
Heel un deel mirdenmank, twüschen Heid, greunen Wischen, Holt un Warre.
Nähmt juch man ´n Strämel Tiet, denn künnt ji wat läsen oewer Garlitz, Fomiljen-un Heimotgeschicht,

oewer ok anner Saken  dei mi jüst so infallen deit. 


Leiwe Quiddjes un Butenkasper,

hebbt man keen Bang nich, lütt bäten wat schriew ik hier ok up Bunnesdüütsch.

 

Nix nich von dat wat hier schräben steit hätt Anspruch up Vullstännigkeit orre is gor (wissentlich) staatlich oewerprüft !

Wat dat Nedderdüütsche anbedropen deit, so kriggt mi man nich glieks bi dei Hammelbein un maakt kein Wissenschapt nich ut.
Ik versöch dat in uns südwestmäcklenörgschen Mundart (Dialekt) un na d. meckl. Wörterbuch vun Richard Wossidlo / Teuchert tau schriewen. 

Sass, Winter un wo dei Lüüd  woll süst noch heeten dauhn, sünd mi liekers künnig.

 

Denkt jümmers an,  in Plattdüütschen giff dat ´n Hümpel vull Grootdialekten un babentau Dörpsdialekten as Fleigen up´n Messhupen.

 

~ Klüsen up holt rechten Koors, süst suupt ji af un sünd in Mnoors ~

 

Holt juch stief.

 

 

 

Druckversion Druckversion | Sitemap
© m-ohlrogge.de ~ Start i. Braakmaand in´t Johr 2000